::.. خفـــايا الجـــروح ..::

بسم الله الرحمن الرحيم

شحالكم .. كلن بحاله .. عساكم ابخير وسهالة

طبعا هذي اول مشاركة لي في هذا المنتدى الغالي
وهي قصيدة كتبتها من فترة وأتمنى إنها تنال على إعجابكم
اتركم مع القصيدة وأنتظر ردودكم وآرائكم





آصــوغ لـك مـن مشاعـــر القـلب أبيات ... وألحنها بلحــن الشوق واغنيها بيت بيت

وأعـزف علـى أوتار قلبـي وأغني آهات ... لجـل تتحـرك فيـك المشاعــر يا من قسيت

أبيـن لك خفـايا الجروح وحجم المعانات ... شـوف مـدى حزنـي ومصيبـتي من جفيت

يمكــن تنـدم علـى وقـت مضــى وفــات ... يمكن تحـس عقـب الجفـا وتذكـر ما نسيت

تذكـر حبنــا وعشـرة سنيننــا الماضيات ... كيــف هجــرتنـي ونـا علـى وصلـك حييـت

كيف تجرحنـي ونا اللي تحملتك بإسكـات ... كيف تحرمني ونا عـن شوف غيرك عميت

وأنا ون جيت أكتب لك تخنقـنـي العبرات ... ون بــديت أوصـف لــك شعـــوري عييــت

في داخلـي حـزن وآسـى وبقـايـا ذكريات ... جفـــت دمـــوع عينــي من كثــر ما بكــيت

صبر.ن.جميل والله المستعان عالمقبلات ... ليتنـا نـرجع مثل لـول ويضمنا نفس البيت


وسوااالم


دمع شقاوي